Lyrics - Yellow on The Broom
Chorus:
When yellow's on the broom
When yellow's on the broom
I'll tak' ye on the road again
When yellow's on the broom
I ken ye dinna like it, lass,
Tae winter here in toon
For the scaldies aye miscry us
And they try tae put us doon
But it's hard to raise three bairns
In a single flea-box room
So I'll tak' ye on the road again
When yellow's on the broom
The scaldies cry us 'tinker dirt'
And sconce our bairns in school
Who cares what a scaldy thinks
For a scaldy's but a fool
He never heard the yarlin's song
Nor seen the flax in bloom
For they're a' cooped up in hooses
When the yellow's on the broom
No sale for pegs or baskets, noo
So just to stay alive
We have tae work at scaldy jobs
Frae nine o'clock till five
But we call no man our master
For we own the world's room
And we'll bid fareweel tae Brechin
When the yellow's on the broom
I'm weary for the springtime
Tae tak' the road yince mair
For the plantin' and the pearlin'
And the berry fields of Blair
We'll meet up wi' oor kinfolk
From a' the country roon'
When the ganaboot folk tak' the road
And the yellow's on the broom
Yellow on The Broom
Adam McNaughtan
From album - 'Keepers' (Greentrax CDTRAX 174)
